Home / News / Վերջերս վերանորոգված քիմիաթերապիայի բաժանմունքը

News

Վերջերս վերանորոգված քիմիաթերապիայի բաժանմունքը

03 February 2021 | News | Chemotherapy

«Նաիրի» բժշկական կենտրոնը քիմիաթերապիայի պացիենտներին է առաջարկում վերջին չափանիշներով, հիմնովին վերակառուցված հարմարավետ ու գեղատեսիլ մի նոր բաժանմունք, որտեղ պացիենտը կստանա բարձորորակ բուժում հոգատար միջավայրում:

Հիմնական սրահում պացիենտն ունի առանձնանալու հնարավորություն, որտեղ նա կարող է հեռուստացույց դիտել, սնվել, շփվել հարազատի հետ, միաժամանակ, գտնվել բուժանծնակազմի մշտական հսկողության ներքո:

Իսկ առանձնասենյակները նախատեսված են քիմիաթերապիան ստացիոնար պայմաններում ստանալու կարիք ունեցող պացիենտների համար։

Ընդհանուր սրահում պացիենտի հարազատը ներկա է լինում նաև բուժանձնակազմի կողմից դեղորայքի լիցքավորմանը, որը տեսահսկվում և տեսագրվում է:

Քիմիաթերապիայից հետո սպասվող մազաթափության դեմ կիրառվում է սառեցնող գլխարկ, որը գլխամաշկի սառեցման միջոցով կանխում կամ նվազեցնում է մազերի կորուստը՝ պացիենտին ազատելով մազաթափության հետ կապված հոգեբանական և սոցիալական խնդիրներից:

8 տարի առաջ Ֆրանսիայի Institute de Cancerologie Paris Nord լավագույն կլինիկայի հետ համատեղ ստեղծված բաժանմունքը ղեկավարում են ֆրանսահայ պրոֆեսոր Գևորգ Աբգարյանը և բաժանմունքի վարիչ Լևոն Բադալյանը:


Պրոֆեսոր Գևորգ Աբգարյանը վստահեցնում է, որ «Նաիրի» բժշկական կենտրոնի քիմիաթերապիայի բաժանմունքում հնարավոր է ստանալ եվրոպական և ամերիկյան չափորոշիչներին համապատասխանող բարձրորակ բուժում, քանի որ այստեղ ախտորոշման, բուժման ամբողջ գործընթացը կազմակերպվում է` կիրառելով առաջատար երկրների փորձը:

Իսկ բուժման արդյունքները համատեղելի են Ֆրանսիայի և Գերմանիայի լավագույն կենտրոնների տվյալների հետ։

Բաժանմունքն իր աշխատանքը կազմակերպում է` առաջնորդվելով հետևյալ սկզբունքներով.

  • առաջատար փորձի կիրառում,
  • ճշտգրիտ ախտորոշում, արդյունավետ բուժում` հարմարավետ և հաճելի պայմաններում:

Similar articles

Sign up here for our newsletter