Դիմա-ծնոտային և պլաստիկ վիրաբուժություն

Ընդհանուր բնութագիրը

Դիմա-ծնոտային և պլաստիկ վիրաբուժության ծառայությունը ստեղծվել է 2014 թվականին: Ծառայության հիմնական նպատակը որակավորված և ժամանակակից բուժօգնության ցուցաբերումն է պլաստիկ և ռեկոնստրուկտիվ վիրաբուժության ոլորտում, ինչպես նաև բարձր տեխնոլոգիական օգնության ցուցաբերումը վերականգնողական միկրովիրաբուժության շրջանակում՝ գլխի վնասվածքների և տարբեր մակարդակներում վերջույթների անդամահատումների ժամանակ առաջացած անհետաձգելի կլինիկական իրավիճակներում:

Մասնագետների բարձր որակավորումն ու ժամանակակից բարձր տեխնոլոգիական սարքերի ամբողջական հավաքածուն թույլ են տալիս կատարել ամենաբարդ վիրաբուժական միջամտություններ գեղագիտական ​​և դիմածնոտային վիրաբուժության ոլորտում և կարճ ժամանակում պացիենտին վերադարձնել առօրյա կյանքին:

Ժամանակակից էսթետիկ վիրաբուժության մեջ կիրառվող մեթոդները ներառում են մի շարք վիրաբուժական և նվազագույն ինվազիվ միջամտություններ` ուղղված նաև բնածին և ձեռքբերովի արատների շտկմանը:

Գործունեության հիմնական ուղությունները.

• դեմքի երիտասարդացման վիրահատություններ,
• շրջանաձև բլեֆարոպլաստիկա (վերին և ստորին), կոպերի պտոզի շտկում,
• հեյլոպլաստիկա,
• օտոպլաստիկա, ականջի ռեկոնստրուկցիա (սեփական աճառով),
• ֆունկցիոնալ և էսթետիկ ռինոպլաստիկա, սեպտոպլաստիկա,
• դեմքի ուրվագծային պլաստիկա, դեմքի և պարանոցի ձգում՝ ֆեյսլիֆտինգ,
• ճաղատության վիրահատական բուժում (մազերի փոխպատվաստում),
• լիպոֆիլինգ, լիպոգրաֆտինգ,
• կրծքագեղձերի մեծացում, փոքրացում, մաստոպեքսիա,
• աբդոմինոպլաստիկա, տորսոպլաստիկա,
• բրախիոպլաստիկա (ուսերի պլաստիկա),
• ֆեմորոպլաստիկա (ազդրերի պլաստիկա),
• գլուտեոպլաստիկա (հետույքի պլաստիկա, էնդոպրոթեզավորում),
• տումեսցենտ լիպոսակցիա, լիպոմոդելավորում,
• երակային աստղիկների, տելեանգիէկտազիաների սկլերոթերապիա,
• կանանց և տղամարդկանց ինտիմ պլաստիկա:

Ծառայությունն իրականացնում է հետևյալ վիրաբուժական միջամտությունները.

• ցանկացած բարդության ռինոպլաստիկա (երկրորդական և տրանսպլանտացիոն նյութի կիրառմամբ),
• դեմքի երիտասարդացում (դեմքի ձգում, ներարկման կամ թելերի օգտագործմամբ` շտկումներ և այլն),
• բլեֆարոպլաստիկա (կոպի պլաստիկ վիրահատություն),
• խեյլոպլաստիկա (շուրթերի պլաստիկ վիրահատություն),
• օտոպլաստիկա (ականջի պլաստիկ վիրահատություն),
• օրթոգնատիկ վիրահատություններ (ծնոտի ձևի և չափի շտկում),
• ատամների իմպլանտացիա (անհրաժեշտության դեպքում` աճեցման մեթոդով ոսկրի դեֆիցիտի լրացում),
• մամոպլաստիկա (կրծքագեղձի բոլոր տեսակի պլաստիկ վիրահատություններ` բարձրացում, մեծացում, փոքրացում, իմպլանտացիա),
• աբդոմինոպլաստիկա (որովայնի առաջնային պատի պլաստիկ վիրաբուժություն),
• լիպոսակցիա (մարմնի բոլոր մասերից ավելցուկային ճարպերի հեռացում),
• դեմքի և մարմնի այլ մասերի բնածին ու ձեռքբերովի դեֆեկտների վերացում,
• թքագեղձերի հիվանդությունների բուժում,
• ստորին ծնոտի սովորական տեղաշարժի բուժում` հեղինակային  մեթոդներով,
• դիմա-ծնոտային հատվածի ոսկրերի և փափուկ հյուսվածքների ուռուցքային և ուռուցքանման հիվանդությունների պլաստիկ վիրաբուժություն,
• հարքթային խոռոչների հիվանդությունների բուժում,
• դեմքի (կզակի, այտոսկրի), կրծքագեղձի, սրունքի (տիբիա) իմպլանտների տեղադրում,
• դեմքի ոսկրերի և ծնոտների կոտրվածքների պլաստիկ վիրաբուժություն,
• գլխի և պարանոցի բորբոքային հիվանդությունների բուժում։

Յուրաքանչյուր տարի ծառայությունը սպասարկում է մոտավորապես 250 պացիենտի, որից 150-ը՝ ամբուլատոր:

Մասնագետների բարձր որակավորումն ու բարձր տեխնոլոգիաների սարքերով հագեցվածությունն ապահովում են գեղագիտական եւ դիմածնոտային վիրաբուժության բնագավառում առավել բարդ վիրահատությունների արդյունավետ իրականացում:

Գործընկերներ

Բաժանմունքը համագործակցում է պրոֆեսոր, բ.գ.դ. Ռուբեն Թադևոսի Ադամյանի հետ  (ՌԴ, Մոսկվա):

Բժիշկներ

Ենոքյան Հայկ Դավիթի, բ․ գ․ թ․, պլաստիկ վիրաբույժ, ծառայության ղեկավար