Մագնիսա-ռեզոնանսային տոմոգրաֆիա

Ընդհանուր բնութագիրը

Մագնիսա-ռեզոնանսային տոմոգրաֆի օգնությամբ իրականացվում է օրգանիզմի տարբեր օրգան-համակարգերի ախտորոշիչ հետազոտություն` առանց ռենտգեն ճառագայթման: «Նաիրի» բժշկական կենտրոնում գործում է վերջին սերնդի 1.5 Tesla Siemens Avanto ՄՌՏ սարքը, ինչը հնարավորություն է տալիս կատարել 0.9 մմ չափով շերտագրում և  ախտաբանությունների ու բորբոքական գործընթացների ժամանակ` ճշգրիտ ախտորոշում (գլխուղեղի, ողնուղեղի, հենաշարժական համակարգի, որովայնի խոռոչի օրգանների, կրծքագեղձի, սրտանոթային համակարգի հիվանդություններ): Siemens Avanto ՄՌՏ սարքի հետ տրամադրվում են անգիոգրաֆիայի և միելոգրաֆիայի իրականացմանը վերաբերող արձանագրություններ: 1.5 Tesla ՄՌՏ-ն  հիմնված է բարձր տեխնոլոգիաների վրա, ինչը հնարավորություն է տալիս ստանալ պատկերի բարձր որակ և կատարել ճգրիտ ախտորոշում անգամ առավել բարդ դեպքերի  հետազոտությունների ժամանակ, որոնք պահանջում են ծրագրի սինխրոնիզացիա:

Գործունեության հիմնական ուղղությունները

«Նաիրի» բժշկական կենտրոնում իրականացվում են հետևյալ ՄՌՏ հետազոտությունները.

• գլխուղեղի տոմոգրաֆիա,
• սրտի տոմոգրաֆիա,
• անոթների տոմոգրաֆիա,
• ողնաշարի տոմոգրաֆիա,
• որովայնի խոռոչի և փոքր կոնքի օրգանների տոմոգրաֆիա,
• ոսկրերի և հոդերի տոմոգրաֆիա,
• ՄՌՏ անգիոգրաֆիա,
• ամբողջ մարմնի ՄՌՏ՝ եռածավալ պատկերների ստացումով:

Հագեցվածությունը

Կենտրոնում շահագործվում է 1.5 Tesla Siemens Avanto մագնիսա-ռեզոնանսային տոմոգրաֆ` ուժեղացված լրացուցիչ պարամետրերով: Սարքը մոդիֆիկացվել է լրացուցիչ ծրագրով ( համաշխարհային չափանիշների բավարարող համապատասխան արձանագրության առկայությամբ)՝ մեծահասակների և երեխաների մոտ էպիլեպսիայի ախտորոշման համար, ինչը նաև հնարավորություն է տալիս կրճատել հետազոտության տևողությունը, բարձրացնել ախտորոշման մակարդակը:

Կլինիկայում շահագործվում է նաև Siemens ընկերության Magnetom մագնիսա-ռեզոնանսային տոմոգրաֆը:

Բժիշկներ

Վասիլյան Արմեն Կառլենի, ՄՌՏ-բժիշկ
Ստեփանյան Հասմիկ Ռոմիկի, ՄՌՏ-բժիշկ
Ավետիսյան Մանե Վահրամի,    ՄՌՏ-բժիշկ
Դավթյան Մերի Մերուժանի,    ՄՌՏ-բժիշկ