Էնդոկրինոլոգիական ծառայություն
«Նաիրի» ԲԿ Էնդոկրինոլոգիայի բաժանմունքում իրականացվում է էնդոկրին հիվանդությունների ախտորոշում և բուժում։ Բաժանմունքի գործունեության հիմնական սկզբունքն է. օգտագործել էնդոկրին հիվանդությունների առաջադեմ ախտորոշիչ և բուժման սխեմաները` ապացուցողական բժշկության սկզբունքներին համապատասխան: Նորարարական տեխնոլոգիաների և ձեռքբերումների, լաբորատոր և գործիքային ախտորոշիչ մեթոդների ակտիվ օգտագործումը էնդոկրինոլոգիայի ոլորտում թույլ են տալիս ճշգրիտ և ժամանակին բացահայտել էնդոկրին հիվանդությունները.
հորմոնների, ճարպային և ածխաջրային նյութափոխանակության արգասիքների խտության որոշում` ճշգրիտ մեթոդներով,- ուլտրաձայնային հետազոտություն,
- ճառագայթային ախտորոշում,
- սցինտիգրաֆիա,
- համակարգչային տոմոգրաֆիա,
- մագնիսա-ռեզոնանսային տոմոգրաֆիա,
- բիոփսիա,
- դենսիտոմետրիա։
«Նաիրի» ԲԿ բազմապրոֆիլային բնույթի շնորհիվ պացիենտները կարող են նեղ մասնագիտական խորհրդատվություն ստանալ բազմամասնագիտական թիմի կողմից` սրտաբան, ակնաբույժ, նեֆրոլոգ, էնդոկրին վիրաբույժ, անոթային վիրաբույժ և այլ մասնագետներ, ինչը մեծապես նպաստում է հիվանդության ժամանակին ախտորոշմանը և արդյունավետ բուժմանը։
Հիվանդի վիճակը բարելավելու և բուժման արդյունավետությունը բարձրացնելու նպատակով բաժանմունքում, դեղորայքային բուժման հետ համատեղ, իրականացվում են ֆիզիոթերապևիկ միջոցառումներ, յուրաքանչյուր հիվանդի համար մշակվում է սննդակարգ։
Բաժանմունքի բազայի վրա գործում է շաքարախտի, ճարպակալման և վահանագեղձի ինքնակառավարման դպրոցը, որտեղ հիվանդները սովորում են ինսուլինի ներարկման (ներարկիչներով, գրչներով), անձնական սննդակարգի մշակման, կալորիաների հաշվարկման հմտությունները, ինչի շնորհիվ հնարավոր է կանխել բարդությունների զարգացմումը:
Ակտիվորեն ներդրվում են ախտորոշման արդի մեթոդներ (ինսուլինային պոմպ, գլյուկոզայի մակարդակի որոշման շարունակական մոնիտորինգի համակարգ (CGMS), որոնք հնարավորություն են տալիս հիվանդությունը հայտնաբերել վաղ շրջաններում, վերահսկել բուժման արդյունավետությունը, որոշել ինսուլինի դոզան և մշակել բուժման անհատական սխեմա:
 |
 |
Փորձառու էնդոկրինոլոգ մասնագետները տրամադրում են մասնագիտացված օգնություն մի շարք էնդոկրին հիվանդությունների ժամանակ.
- 1-ին և 2 տիպի շաքարային դիաբետ,
- վահանագեղձի հիվանդություններ,
- հիպոֆիզի հիվանդություններ,
- ճարպակալում,
- մակերիկամների հիվանդություններ,
- հարվահանագեղձի հիվանդություններ,
- ոսկրի մետաբոլիկ հիվանդություններ (օստեոպորոզ, վիտամին D3-ի անբավարարություն)։
Գործընկերներ
- Անտոն Լուգեր, պրոֆեսոր, էնդոկրինոլոգիայի և նյութափոխանակության բաժնի ղեկավար, Վիեննայի ընդհանուր հիվանդանոց և բժշկական դպրոց, Ավստրիա,
- Ռոժինսկայա Լյուդմիլա Յակովլևնա, բ.գ.դ., դոցենտ, նեյրոէնդոկրինոլոգիայի և օստեոպաթիայի բաժանմունքի ավագ գիտաշխատող, ՌԴ,
- Կարոնովա Տատյանա Լեոնիդովնա, բ.գ.դ., Կլինիկական էնդոկրինոլոգիայի լաբորատորիայի վարիչ, Ֆակուլտետային թերապիայի ամբիոնի պրոֆեսոր,
- Էնդոկրինոլոգիայի գիտական կենտրոն, նեյրոէնդոկրինոլոգիայի և ոսկրերի բաժանմունք,
- Ռուսաստանի Դաշնության բժշկա-տեխնիկական գիտությունների ակադեմիա (AMTN),
- Վահանագեղձի եվրոպական ասոցիացիա (ETA):